Faqe e parëArkivëKontaktRSS

EAGLE MOBILE GARANTON SE NE MUAJIN GUSHT DALIN TARIFAT E REJA PER QYTETARET

Kompania e tretë celulare në Shqipëri Eagle Mobile, katër muaj pas daljes zyrtare në treg me sinjal dhe një muaj pas lançimit të markës, ka arritur shtrirjen që garanton mbulim për të gjithë qytetarët shqiptarë, bënë të ditur sot burime të kësaj kompanie.
     Sipas burimeve të mësipërme, me  ngritjen e pikave dhe antenave transmetuese, garantohet një mbulim cilësor i zonave të banuara dhe të gjitha rrugëve rajonale dhe kombëtare, por edhe sigurohet mbulimi me internet të shpejtësisë së lartë bazuar në teknologjinë EDGE. Teknologjia EDGE, është 5 herë më e shpejtë se ajo që përdoret aktualisht GPRS. 
     "Është hera e parë që një operator celular në Shqipëri, çon mundësinë e përdorimit të internetit, shkëmbimit të të dhënave dhe mesazheve elektronike (e-mail) në gjithë zonën e mbulimin në territorin e vendit. Gjithashtu me shërbimin më të ri, me kartën ‘Eagle EDGE USB’, çdokush mund të lidhet me internetin nëpërmjet kompjuterit në të gjitha zonat që mbulohen nga Eagle Mobile. Kjo kartë është e përshtatshme edhe për teknologjinë 3G. Aktualisht ka një shpejtësi prej 236 kbps, por me teknologjinë 3G kjo shpejtësi arrin në 7.2 mbps.", njoftuan sot burimet e mësipërme të kësaj kompanie.
     Drejtori i Shitjeve në Eagle Mobile, Melik Karabiyikoglu,  thotë se “Eagle është një markë që ka si princip dhënien e një shërbimi që ka në fokus klientin, shërbim cilësor, ekonomik dhe pa probleme."
     Sipas tij, abonentët mund të gjejnë në stacionet e kësaj kompanie karta rimbushëse për numrat me parapagesë. "Qëllimi është që brenda muajt gusht të çelim 20 dyqane dhe qindra pika shitjeje dhe të arrijmë te konsumatori shqiptar sa më lehtë nëpërmjet këtij rrjeti” thotë i Karabiyikoglu.
      Ai shton se pas lançimit të tarifave Proring, nisur edhe nga interesi i madh i treguar nga institucionet dhe individët, në muajin gusht jemi të sigurt se do të ofrojmë për qytetarët tanë edhe tarifat e reja individuale që do të jenë po aq tërheqëse dhe të përshtatshme për ta. Eagle Mobile konfirmon zyrtarisht se aktualisht mbulon më se 80,55% të territorit të Shqipërisë dhe 95,7 % të popullsisë.

Komente

jam nje qytetar i kamzez dhe qe ne fillim me ka bere shum terheqes kompanija juaj dhe e mirpresim sepse kjo na intereson dhe ne si qytetare nga ana e konkurencec mes dy kompanive rivale..besoj se do jene me cmime me konkuruse nga dy kompanite e meparshme..dhe jam ndakort qe NQS ju intereson te pashkepunojme sebashku per te vendosur nje antene perforcuse transmetimi mbi pronen time 3 kateshe mund te kontaktojme..respekte kompania EGALE MOBILE
Postuar nga Cimi ne daten 22-07-2008

---

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt