Faqe e parëArkivëKontaktRSS

Një aksident automobilistik ka ndodhur në orët e para të mëngjesit të së martës. Një mjet me targa të Kosovës ka dalë nga rruga dhe për pasojë  kanë mbetur të plagosur rëndë dy shtetas kosovarë. 
Burime zyrtare të policisë lokale thanë për ATSH-në, se ngjarja ka ndodhur rreth orës 02,30 të mëngjesit të sotëm, kur mjeti tip “Opel” me targë 541 KS 115, që drejtohej nga shtetasi Filzen Muça, 31 vjeç nga Theranda, në afërsi të shkollës së Morinit, vetëm rreth një kilometër nga dogana, ka dalë nga rruga duke rënë disa metra poshtë. Si pasojë, ka mbetur i plagosur rëndë drejtuesi i mjetit dhe pasagjeri tjetër, Shifran Haxhia, 21 vjeç edhe ky nga Theranda. 
Në vendngjarje kanë shkuar menjëherë forcat e policisë që patrullojnë pandërprerje këtë aks rrugor, të cilët kanë dërguar në spitalin civil të qytetit të plagosurit, të cilët pas ndërhyrjes kirurgjikale, bëhet e ditur se janë jashtë rrezikut për jetën. Ndërkohë, nga hetimet paraprake mendohet se shkaku i aksidentit ka qenë pagjumësia e drejtuesit të mjetit.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt