Faqe e parëArkivëKontaktRSS

Policia e Vlorës asgjësoi te henen gjatë një operacioni të gjerë 810 rrënjë bimë narkotike “canabis sativa”. Zëdhënësja e Drejtorisë së Policisë së Qarkut të Vlorës, Rezarta Leli, tha sot për ATSH-në se bimët narkotike u zbuluan dhe u asgjësuan gjatë operacionit të koduar "Korrik '08", i cili u shtri në të gjitha komunat e rrethit. 
Sipas saj, sasitë më të mëdha të “canabisit”, u gjetën në fshatrat Kropisht, Drashovicë, Gërnec, Velçë dhe ishin kultivuar në parcela pranë shtretërve të përrenjve, gjë që e vështirëson procesin e identifikimit të personave që kanë lidhje me to. 
Operacioni "Korrik '08", që do të vijojë edhe në ditët në vazhdim, do të shtrihet në të gjitha zonat rurale të Vlorës, duke u fokusuar në ato fshatra që kanë qenë problematike në këtë drejtim. Gjatë muajve të fundit, policia e Vlorës ka zbuluar dhe asgjësuar rreth 8000 rrënjë bimë narkotike “canabis sativa”.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt