Faqe e parëArkivëKontaktRSS

Presidenti i Kosovës, Fatmir Sejdiu dhe kryeministri Hashim Thaçi u pritën me ceremoni shtetërore sot pasdite pas kthimit nga
SHBA-ja, nga pritja në Shtëpinë e Bardhë nga presidenti Xhorxh Bush dhe takimet e tjera në vizitën që e vlerësuan “jashtëzakonisht të rëndësishme dhe historike”.
Presidenti dhe kryeministri thanë se SHBA-ja u dha garancitë më të fuqishme në mbështjen e integritetit të plotë të Republikës së Kosovë si shtet sovran dhe demokratik, në mbështetjen e për njohje të reja dhe për shumë çështje, sidomos në atë të zhvillimit ekonomik.
Pyetjes se a kanë biseduar në SHBA edhe për çështjen e veriut të Kosovës, presidenti Sejdiu tha se “kemi biseduar për të gjitha temat që janë në interes të së tashmes dhe të së ardhmes së Kosovës”.

“Natyrisht kemi shprehur shqetësimet tona për lëvizjet destruktive në veriun e Kosovës’', tha ai.

“Presidenti Bush ka qenë shumë i qartë, integriteti territorial i shtetit të Kosovës është i paprekshëm, është i garantuar, është i njohur ndërkombëtarisht”, tha Thaçi.

“Për Kosovën do të ketë njohje të reja dhe asnjëherë ndarje”, theksoi ai.

Sejdiu dhe Thaçi u pritën në Aeroportin Ndërkombëtar të Prishtinës nga kryetari i Kuvendit, zëvendëskryeministrat, ministrat e përfaqësues të tjerë të institucioneve shtetërore të Kosovës, si dhe nga Garda e Nderit e Trupave Mbrojtëse të Kosovës

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt