Adhurim Demiri: Përjashtimi nga "Petronini Luarasi", moment i errët në jetën time

I njohur në skenën e festivaleve pas viteve '90, këngëtari Adhurim Demiri këtë vit u rikthye pas dhjetë vitesh në Festivalin e Këngës në RTSH. "24 orët" titullohej kënga me të cilën ai erdhi këtë vit në festival, e cila u mirëprit nga publiku. Këngëtari ka vite që është larguar në Vjenë të Austrisë së bashku me familjen e tij, ku ka ndërtuar një jetë larg këngës. Në emisionin "Kontakt Vip" këngëtari tregon jetën e tij në Vjenë, ndërsa thekson se atje nuk është muzika që ai pëlqen dhe i përshtatet atij. Vite më parë ai u bë i njohur dhe me grupin "X", si një ndër pjesëtarët kryesorë të tij, e ndërsa flet me nostalgji për ditët e famës ai tregon se pengu i tij artistik është një koncert recital të cilën nuk ka mundur dot ta realizojë deri tani. Gjimnazisti i "Petronini Luarasit", rrëfen në këtë intervistë dhe përjashtimin e tij nga shkolla, duke e cilësuar si periudhën më të errët të jetës së tij.