Hashim Thaçi mandatohet për formimin e qeverisë

Presidenti në detyrë i Republikës së Kosovës, Jakup Krasniqi ka nxjerrë vendim për nominimin e Hashim Thaçi, mandatar për formimin e Qeverisë së Republikës së Kosovës. Sipas vendimit, mandatari i nominuar Hashim Thaçi në afatin më të shkurtër kohor, ftohet të bëjë koalicionet e nevojshme me partitë politike për të formuar koalicionin për Qeverinë e re dhe të dalë me propozim para Kuvendit të Republikës së Kosovës. Mbledhja konstituive e Kuvendit të Republikës së Kosovës të dalë nga zgjedhjet e para nacionale-parlamentare në pavarësi, është ftuar qe te mbahet të hënën.