Kosovë : Festohet 13 vjetori i fillimit të luftës së UÇk

Në Kosovë kanë filluar manifestimet në përkujtim të 13 vjetorit të betejës së Prekazit që shënoi dhe fillimin e luftës gati dy vjeçare. Në 5 mars të vitit 1998, forcat serbe rrethuan familjen Jashari dhe gjatë disa ditë luftimesh humbën jetën 54 anëtarë të familjes përfshirë dhe Adem Jasharin, komandant legjendar i ish Ushtrisë Çlirimtare të Kosovës. Dhjetë vjet pas asaj beteje Kosova shpalli pavarësinë e njohur nga 75 vende, përfshirë Shtetet e Bashkuara dhe vendet më të rëndësishme të Bashkimit Evropian, ndërsa vazhdon të kundërshtohet nga Serbia. Presidenti Behgjet Pacolli e Kryeministri Hashim Thaçi kanë theksuar se ishte sakrifica e dëshmorëve që çoi në lirinë dhe pavarësinë e vendit.