Kosova merr detyrat e shtëpisë për liberalizimin e vizave

Kosova pret një dokument zyrtar për liberalizimin e vizave, u tha te premten në takimin e Grupit të Punës për liberalizimin e vizave me BE-në, ku u paraqitën arritjet për këtë proces. Ministri i Punëve të Brendshme, Bajram Rexhepi tha se “presim një dokument zyrtar që do të specifikojë në mënyrë të detajuar se çfare duhet të plotësohet, që qytetarët e Kosovës të udhëtojnë pa viza”. Sipas statistikave mbi kthimin e qytetarëve në Kosovë vjet, rezultojnë 5.198 persona, prej te cileve, 2.103 në mënyrë vullnetare dhe 3.095 pa vullnetin e tyre.