Thaçi: Ka vetëm një opsion në bisedimet me Beogradin , njohje reciproke e realitetit te ri

"Idetë për autonomi, apo statuse speciale janë të papranueshme", u shpreh në mbledhjen e qeverisë kryeministri Hashim Thaçi. Duke vlerësuar fillimin e mbarë të dialogut mes Kosovës dhe Serbisë për çështje praktike të interesit të përbashkët, Thaci tha se "asnjë deklarim i kujdo qoftë, qoftë politik apo akademik, prej kudo që vjen, që bie në kundërshtim me Kushtetutën e Kosovës dhe dokumentin Ahtisaari, do të tejkalohet apo do të ikin si fluskë sapuni, qoftë idetë që dalin për autonomi, apo statuse speciale”. Ai shprehu bindjen se “me mbështetjen e plotë të SHBA dhe BE-së dhe me qëndrimet korrekte e konstruktive të Kosovës dhe Serbisë, ky proces do të përmbyllet me njohjet reciproke, si dy shtete dhe anetarësimin e tyre në NATO dhe BE”.