Kosovë: Trepçe padit shtetin Serb

Gjiganti i dikurshëm ekonomik i Kosovës, ndermarrja e Trepçes ka paditur Serbinë për dëmet ekonomike. Shërbimi juridik i ndërmarrjes Trepça ka dorëzuar në Dhomën e Veçantë të Gjykatës Supreme të Kosovës, një padi kundër shtetit të Serbisë. Padia lidhet me dëmet ekonomike që Sërbia i ka shkaktuar Trepçës nga viti 1990 e deri më 1999. Vlera e dëmit që i është shkaktuar kësaj ndërmarrje pas vendosjes së masave të dhunshme në vitin 1990, e deri në përfundim të luftës më 1999, kap shifrën 887.167.525 dollarë. Dëmi i shkaktuar është llogaritur nga ekspertët e Trepçës dhe lidhet me sektorin e minierave, fabrikave të pasurimit dhe metalurgjive të plumbit dhe zinkut.