Kosovë: Në fillim të Prillit nis regjistrimi i popullsisë

 Kosova është gati për regjistrimin e popullsisë, që fillon në 1 prill, nje ndër procest më të rëndësishme pas shpalljes së pavarësisë, tha te merkuren Kryeministri Hashim Thaçi, në mbledhjen e qeverisë ."Komisioni për Regjistrimin e Popullsisë, në bashkëpunim me organizatën UNOPS, i kanë bërë të gjitha përgatitjet për regjistrimin e popullsisë, që do zhvillohet nga 1 deri më 15 prill", tha ai. Duke përkujtuar se Kosova nuk ka pasur regjistrim të plotë të popullsisë prej 30 vitesh Thaçi theksoi se regjistrimi i parë i popullsisë në Kosovën e pavarur do jetë edhe i pari mbi baza profesionale të standardeve perëndimore.