Shqipëri- Kosovë bashkpunim në fushën e mbrojtjes

Shqipëria dhe Kosova angazhohen në forcimin e bashkëpunimit dypalësh në fushën e mbrojtjes dhe sigurisë. Kjo u konfirmua sot në konferencën për shtyp të ministrit të Mbrojtjes, Arben Imami dhe ministrit të FSK-së së Kosovës, Agim Çeku, i cili po viziton sot Tiranën. Ministri Imami tha se Shqipëria ka dhënë shuma të konsiderueshme për FSK-në dhe këto përpjekje në të ardhmen do të jenë akoma më profesionale. Ministri Çeku kërkoi që Shqipëria të asistojë Kosovën në proceset integruese përmes projekteve rajonale në fushën e mbrojtjes dhe sigurisë.