Atifete Jahjaga – Presidente e Kosovës

Parlamenti i Kosovës zgjodhi mbrëmë Atifete Jahjagën në postin e presidentes së vendit, duke e bërë kësisoj presidenten e parë të një vendi Ballkanik 

Presidentja e sapozgjedhur, Atifete Jahjaga duke folur pas zgjedhjes në seancën e jashtëzakonshme të Kuvendit, siguroi se do jetë faktor uniteti dhe do përfaqësojë interesat e të gjithë qytetarëve, pa dallim. "Në punën dhe detyrën time do të udhëhiqem nga Kushtetuta dhe ligjet e Republikës së Kosovës, do të jem trasparente dhe bashkëpunuese në të gjitha cështjet, do të jem faktor dhe simbol i unitetit, do të përfaqësoj dinjitetshëm e me përgjegjësi Kosovën, interesat e gjithë qytetarëve", tha Presidentja. Për besimin dhe përgjegjësinë, Jahjaga, e para femër në drejtim të shtetit të Kosovës, falënderoi dhe në gjuhët e pakicave që jetojnë atje. Ajo u zgjodh me 80 vota, nga 110 deputetë,ndërsa kandidatja tjetër Suzana Novoberdaliu, deputete nga radhët e Aleancës Kosova e Re mori gjithsej 10 vota. Të pavlefshme u shpallen po ashtu dhjetë vota.