Kosovë, Thaçi: Siguria është e qëndrueshme

Kryeministri i Republikës së Kosovës, Hashim Thaçi, vlerësoi se gjendja e sigurisë vazhdon të mbetet e qetë dhe e qëndrueshme. Po ashtu, marrëdhëniet ndëretnike kanë shënuar një ngritje në nivel vendi dhe numri i incidenteve ndëretnike ka shënuar rënie të vazhdueshme, tha në mbledhjen e radhës të Këshillit të Sigurisë së Kosovës, kryeministri Thaçi, i cili si kryesues i këtij institucioni, paraqiti një vlerësim të gjendjes politike dhe të sigurisë në vend.