Përfundon ceremonia martesore e çiftit mbretëror britanik

Princi William dhe Kate Middleton shkëmbyen betimet në abacinë Westminster, në prani të afro 1 900 të ftuarve. Princi William vendosi më pas unazën e artë në gishtin e bashkëshortes, ndërsa ai vetë preferoi të mos mbajë një të tillë. Shkëmbimet e betimit mes nipit të mbretëreshës Elizabeth dhe jo-aristokrates Kate Middleton u transmetua drejtëpërdrejt dhe u ndoq në afro 180 vende nga dy miliardë teleshikues, sipas vlerësimeve qeveritare. Fustani satin i bardhë dhe i fildishtë, me një bisht afro 2,70 metra pjesa e sipërme dhe mëngët e të cilit ishin në dantellë, është vepër e krijueses Sarah Burton.