Faqe e parëArkivëKontaktRSS

Një inxhiniere amerikane me origjinë kineze u dënua me tri vjet burg për spiunazh në interes të Kinës, bënë të ditur burimet gjyqësore.
Rebecca Chiu Lai-wah, shtetase amerikane me origjinë kineze u shpall fajtore se kishte vepruar në interes të shteteve të huaja pa njoftuar autoritetet amerikane.
Inxhinierja 65 vjeçare duhet të heqë dorë nga shtetësia amerikane dhe mund të dëbohet nga SHBA-ja, pasi të kryejë dënimin me burg.
Edhe bashkëshorti i saj, Chi Mak, u dënua marsin e kaluar me 24 vjet burg për dhënien e sekreteve të rëndësishme ushtarake Kinës.
     Në këtë çështje janë përfshirë edhe tre persona të tjerë të familjes.
Gjatë procesit gjyqësor të Chi Mak, gjykatësi që drejtonte çështjen, Cormac Carney, tha se ky dënim do të kishte ''një efekt të fortë ndaj Ushtrisë Popullore të Kinës, në mënyrë që ajo të  mos dërgonte agjentët e saj për vjedhjen e sekreteve ushtarake amerikane''.
Kohët e fundit, kreu i shërbimeve sekrete amerikane, Mike McConnell, ka akuzuar shërbimet sekretet kineze se ishin shumë agresivë në kërkimin e teknologjisë dhe të informacioneve të rëndësishme ushtarake amerikane.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e parë
• Informacion
• Arkivë
• Kontakt