NATO E SHQETËSUAR PËR SULMET KUNDËR KAMIONËVE TË SAJ NË PAKISTAN

NATO-ja u shpreh e shqetësuar për përsëritjen e sulmeve të talebanëve kundër kamionëve të saj në Pakistan, por deklaroi se ato nuk do të ndikonin në furnizimin dhe në aftësinë e veprimit të trupave të saj në Afganistan.
"Sigurisht, është një çështje shqetësuese për ne, por incidente të këtij lloji nuk kanë pasojë strategjike. Kemi rrugë të tjera për t'u dërguar materiale trupave tona", i deklaroi AFP-së një zëdhënës i Aleancës Atlantike.
"Do të vazhdojmë të kemi furnizimet e nevojshme", theksoi ai.
Isaf-i, i drejtuar nga NATO-ja, mund të përdorë gjithashtu për dërgimin e materialeve edhe rrugën ajrore, në pritje të konkluzionit të marrëveshjeve të tranzitit hekurudhor për materiale jovdekjeprurëse për të cilin po bisedohet me republikat e Azisë qendrore për të plotësuar atë të arritur gjatë këtij viti me rusët.
Disa talebanë i kanë vënë zjarrin sot pranë Peshawarit, në veriperëndim të Pakistanit, rreth 100 makinave të NATO-s, ndër të cilat 50 kamionë që shërbenin për të furnizuar Isaf-in.
Edhe dje, 250 talebanë kanë sulmuar dy depo të NATO-s, po në afërsi të Peshawarit, duke vrarë një roje dhe duke u vënë zjarrin më tepër se 200 kamionëve dhe makinave të tjera që transportonin pajisje për 53 000 ushtarët e Isaf-it