DËSHTIMI I PLANIT PËR AUTOMOBILAT NË SENAT: OBAMA SHPREHET I ZHGËNJYER

Presidenti i zgjedhur amerikan, Barak Obama, u shpreh sot në një komunikatë "i zhgënjyer" që Senati amerikan nuk arriti një marrëveshje dje mbi një plan shpëtimi aftashkurtër për kompanitë e automobilave që janë drejt falimentimit.
"Jam i zhgënjyer që Senati nuk arriti një marrëveshje mbi një plan afatshkurtër për industrinë e automobilave", bëri të ditur Obama.
"Shpresoj që administrta dhe Kongresi do të gjejnë gjithmonë një mënyrë për t'i dhënë industrisë ndihmën e përkohshme për të cilën ka nevojë", theksoi Obama përpara se të shtonte se duhet të kërkojmë ende "një ristrukturim afatgjatë që është absolutisht i nevojshëm".
Sot, Shtëpia e Bardhë u është rikthyer qëndrimeve të mëparshme dhe është shprehur e gatshme që duke parë gjendjen kritike të kompanive amerikane të automobilave, të shqyrtojë përdorimin e fondeve që i kishte rezervuar për sistemin financiar, me qëllim që t'i shpëtojë këto kompani.
Plani afatshkurtër prej 14 miliardë dollarësh i hartuar me hollësi nga demokratët dështoi dje në mbrëmje në Senat, njëri nga dy dhomat e Kongresit, duke ngjallur shqetësimin për falimentimin e kompanive, viktima të krizës ekonomike, për uljen e shitjeve dhe për gabimet e tyre strategjike.
"Përgëzoj ata persona në Kongres dhe në Shtëpinë e Bardhë që u përpoqën me guxim për arritjen e një kompromisi", vazhdoi Obama në një komunikatë