Prokuroria: Ish komandanti i Gardës, Prendi të shkojë në burg

TIRANË- Prokuroria e Tiranës kërkon ndryshimin e masës së arrestit për ish komandantin e Gardës Ndrea Prendi, nga arrest shtëpie në arrest me burg.

Krahas kërkesës së bërë në Gjykatën e Apelit për prishjen e vendimit të Gjykatës së Tiranës për ish komandatin e Gardës së Republikës Ndrea Prendi, Prokuroria i është drejtuar edhe Gjykatës së Tiranës me kerkesën për zëvendësimin e masës së sigurisë në arrest me burg.

Kërkesa e bërë nga organi i akuzës në bazë të ligjit duhet të shqyrtohet brenda një afati 5-ditor.

Ndërkaq, konfirmohet senjë kërkesë e tillë nuk është bërë për dy të dyshuarit e tjerë, Margarit Kume, shofer i ish-komandantit të Gardës, apo Armando Kasës, specialist i IT-së në kryeministri, të cilët akuzohen për veprime që pengojnë zbardhjen e së
vërtetës.

Ndrea Prendi, me detyrë komandant i Gardës së Republikës u vu nën arrest shtëpiak pak ditë më parë, pasi nga hetimet njëvjeçare për ngjarjet e dhunshme të 21 janarit, ai dyshohet të jetë qëlluar gjatë demonstratës dhe njëri prej plumbave të qitur nga pistoleta tip ‘Beretta’ e kalibrit 9 mm dhe me numër P52796Z, ka shkaktuar vdekjen e demonstruesit Faik Myrtaj.

http://www.balkanweb.com/shqiperi/2685/prokuroria-ish-komandanti-i-gardes-prendi-te-shkoje-ne-burg-80661.html

	Tiranë	19	°C
	Prishtinë	15	°C
	Ulqin	20	°C
	Shkup	15	°C

	BLIHET	SHITET
EUR	136.25	141.87
USD	106.65	111.05
GPB	168.56	175.51
CHF	113.40	118.08

Horoskopi

A do te funksionoje marreveshja Pozite -Opozite deri ne antaresimimin e Shqiperise ne BE ?

PO

JO

Duke marr rezultatet.Ju lutem prisni...