Ekonomia vazhdon të pësojë rënie

Shifrat më të fundit flasin për një tkurrje me gjysëm përqindi në tremujorin e tretë të vitit.

Zyrtarët thanë se shifrat treguan rënien më të thellë të prodhimit vendas bruto në shtatë vitet e fundit që prej sulmeve të 11 shtatorit 2001.

Zyra Kombëtare për Kërkime Ekonomike ka thënë se reçesioni në Shtetet e Bashkuara ka filluar në dhjetor të vitit të kaluar.

Sipas këtij institucioni faktor kryesor është numri i të punësuarve në Amerikë, i cili ka rënë çdo muaj gjatë këtij viti.

Edhe ekonomia britanike shënoi rënie në një masë më të madhe seç pritej, diçka më shumë se gjysëm për qind.

Krye-ekonomisti i Fondit Monetar Ndërkombëtar, Olivier Blanchard, thotë se qeveritë duhet të bëjnë më shumë për të stimuluar kërkesën në mënyrë që të shmangin një situatë si ajo në 1930.

Ekonomitë e vendeve të zhvilluara kanë paraqitur plane me vlerë miliarda dollarë për përballimin e krizës ekonomike me shpresën se mund të shpëtojë miliona vende pune.