IZRAEL - PESËMBËDHJETË RAKETA DHE PREDHA SHPËRTHEJNË NË JUG TË IZRAELIT

Pesëmbëdhjetë raketa dhe predha të nisura që nga Rripi i Gazës shpërthyen në jug të Izraelit dje në mbrëmje, pa shkaktuar viktima, njoftoi sot një zëdhënës i ushtrisë izraelite. 
Një nga këto mjete dëmtoi një shtëpi në një kibuc (fshat kooperative) i vendosur pranë Rripit të Gazës, shtoi zëdhënësi. 
Këto sulme ndodhën pas përfundimit të një armëpushimi 24-orësh të dekretuar nga islamikët e Hamasit që kontrollojnë Rripin e Gazës dhe grupet e armatosura, me qëllimin lejimin e kalimit të një ndihme humanitare egjiptiane drejt territorit palestinez. 
Brigadat Ezzedine al-Qassam, krahu i armatosur i Hamasit, mori përsipër sot në një komunikatë lëshimin e 25 raketave kundër tre lokaliteteve në jug të Izraelit "për t'u hakmarrë për vdekjen e tre luftëtarëve të tyre një ditë më parë gjatë një shkëmbimi zjarri me ushtrinë izraelite. 
Ndër të tjera, gjithmonë sipas kësaj komunikate, dy anëtarë të tjerë të këtyre brigadave humnën jetën "në detyrë" pranë Khan Younès, në jug të Rripit të Gazas. Sipas medias izraelite, është fjala për një shpërthim aksidental që ndodhi kur luftëtarët po manipulonin eksploziv.