10 NGJARJET KRYESORE NË BOTË GJATË VITIT 2008 SIPAS 'AFP'

Sipas agjensise prestigjioze franceze "AFP" keto jane 10 ngjarjet kryesore ne bote gjate  2008:

- 3 mars: RUSI – Fitorja presidenciale e Dmitri Medvedevit, pasardhës i Vladimir Putinit, i cili u emërua si kryeministër me shumicë votash.

- 2 qershor: KOLUMBI – Ushtria kolumbiane liron franko-kolumbianen Ingrid Betancourt pas gjashtë viteve të mbajtur peng nga FARC në xhunglën kolumbiane. Gjatë këtij operacioni u liruan dhe 14 pengje të tjerë.
- 7-8 gusht: KONFLIKTI GJEORGJI-RUSI - Ofensivë ushtarake nga Gjeorgjia kundër rebulikës së saj rebele të Osetisë së Jugut e mbështetur nga Moska.
Rusia ndërmori një operacion ushtarak dhe tërhoqi ushtarët e fundit në muajin tetor.
Konflikti u shtri dhe në Abkahazi, një tjetër republikë rebelë në Gjeorgji e mbështetur nga Moska. Rusia njohu pavarësinë e këtij rajoni me 26 gusht.
- 18-19 gusht: AFGANISTAN - Të paktën 10 ushtarë francezë u vranë në luftime në afërsi të Kabulit nga sulmet kundër forcave ndërkombëtare në këtë vend. Në dhjetor, Uashingtoni premtoi dërgimin e 7 000-8 000 trupave shtesë për të luftuar talebanët. Më 7 korrik një atentat kamikaz vuri në shënjestër ambasadën e Indisë duke shkaktuar kështu 60 të vdekur në Kabul.
- 8-24 gusht: LOJËRAT OLIMPIKE TË PEKINIT - Kina bëhet fuqia e parë olimpike me 51 medalje ari, që u rendit para SHBA-së që fitoi 36 medalje nga 100 të tilla.
- 15 shtator: KRIZA FINANCIARE DHE EKONOMIKE - Falimentimi i bankës amerikane ''Lehman Brothers'' shënoi dhe fillimin e një krize financiare botërore që nisi në vitin 2007 në SHBA me shkatërrimin e tregut nga kreditë për pasuritë e patundshme që do të sjellë kështu dhe rrënimin e ekonomisë ndërkombëtare.
Më të prekurit nga kriza janë veçanërisht ndërrmarrjet financiare dhe sektori i automobilave.
SHBA-ja, Britania e MAdhe, Gjermani, Italia dhe Islanda kanë hyrë tashmë në recesion.
- 25 shtator: KINË/HAPËSIRË - Mision historik i anijes kozmike II-F, që kishte në bord kinezin e parë në hapësirë.
- 4 nëntor: SHBA/OBAMA - Demokrati Barack Obama korri një fitore të madhe duke u bërë presidenti i parë me ngjyrë në SHBA. Obama zgjodhi ish-rivalen e tij Hillary Clinton për të drejtuar diplomacinë dhe në krye të Pentagonit zgjodhi republikanin Robert Gates.
- 26-29 nëntor: INDI/ATENTATE - Sulme të ndërrmarra nga 10 islamikë të armatosur kundër stacionit qëndror hekurudhor, një spitali dhe dy hoteleve luksoze ku humbën jetën 172 persona, 26 prej të cilëve ishin të huaj. India akuzoi grupin islamik Lashkar-e-Taiba, me bazë në Pakistan, për organizimin dhe kryerjen e këtyre sulmeve.
- 2 dhjetor: TAJLANDE - Gjykata Kushtetuese urdhëroi largimin e partisë në pushtet për mashtrime elektorale dhe ndaloi të gjithë aktivitetin politik të kryeministrit Somshai Wongsawat për pesë vite. Vendi njohu një krizë që solli për tetë ditë manifestime antiqeveritare që shkaktuan mbylljen e dy aeroporteve në Bangkok ku si pasojë ngelën të bllokuar më shumë se 350 000 pasagjerë