Mosdeklarimi i pasurisë, ILDKP kallëzim penal 14 zyrtarëve

Mosdeklarimi i pasurisë, ILDKP kallëzim penal 14 zyrtarëve TIRANE- Inspektorati i Lartë i Deklarimit dhe Kontrollit të Pasurive ka kërkuar ndjekje penale ndaj 14 zyrtarëve për fshehje e mosdeklarim të interesave private, si edhe për refuzim për deklarim. Gjithashtu, për 6 zyrtarë të tjerë janë vendosur masa administrative “gjobë” për shkelje të rregullave të deklarimit.

Dy zyrtarë, një me funksion gjyqtar dhe një tjetër me funksion punonjës i administratës tatimore, janë kallëzuar penalisht në organin e prokurorisë për fshehje dhe mosdeklarim të pasurisë. Ata janë Shyqyri Çobo, me funksion gjyqtar pranë Gjykatës së Rrethit Gjyqësor Berat, Mehmet Guga, me funksion Inspektor i Drejtorisë së Tatim-Paguesve të Mëdhenj.

Gjykata e Beratit ka konstatuar se gjyqtari Çobo ka bërë deklarim të rremë të vlerës së apartamentit blerë në shumën 7.900.000 lekë, të cilin ai e ka deklaruar në shumën 6.000.000, si dhe mosdeklarim të llogarisë se tij, në vlerat përkatëse dhe burimeve të krijimit të tyre në emër të bashkëshortes. Ndërsa Mehmet Guga është konstatuar se nuk ka burime të ligjshme për pasurinë e tij, ai ka fshehur transaksione bankare, që arrijnë në vlerën 188.500 dollarë, si dhe aktivitete private.

ILDKP ka kallëzuar penalisht për “refuzim për deklarim” 12 zyrtarë të tjerë, nga të cilët 8 drejtues lokalë janë zgjedhur për herë të parë në muajin Maj 2011. Për zyrtarët në funksion është kërkuar njëkohësisht shkarkimi nga detyra i tyre. Ata janë:
1. Dule Koka Doganier, Kakavijë
2. Aleksandër Çela Kryetar i komunës Dardhas, Pogradec
3. Bujar Ibrahimi Kryetar i komunës Qendër-Piskovë, Përmet
4. Rrahman Demaj Kryetar i komunës Tërthore, Kukës
5. Hristo Duci Kryetar, komuna Dropull i Sipërm, Gjirokastër
6. Gjergji Doçi Kryetar i komunës Dajç, Lezhë
7. Martin Lazri Kryetar i komunës Guri i Zi, Shkodër
8. Vuksan Çardaku Kryetar i komunës Llugaj, Tropojë
9. Lekë Bibaj Kryetar i Komunës Hajmel, Shkodër
10. Jakup Sefolli Ish-Kryetar i komunës Fajzë, Has
11. Mark Ruçi Ish-Kryetar i Bashkisë Rubik
12. Kastriot Begaj Ish-Kryetar i Bashkisë, Librazhd

Inspektorati i Lartë, për shkelje të ndryshme të rregullave të deklarimit të interesave private, ka aplikuar masën administrativë “gjobë” ndaj 6 zyrtarëve të niveleve të ndryshme. Më konkretisht:
1. Qani Shema Kryetar, Përmbarimi Sarandë
2. Agron Selimaj Inspektor, D. R. Tatime, Fier
3. Nexhmi Torra Inspektor, D.R. Tatime, Korçë
4. Petrit Tare Drejtor, Ujësjellës-Kanalizime, Korçë
5. Mariglen Murataj Përmbarues, Përmbarimi Gjirokastër
6. Mustafa Turku Prokuror, Prokuroria e Rrethit Elbasan

http://www.balkanweb.com/shqiperi/2685/mosdeklarimi-i-pasurise-ildkp-kallezim-penal-14-zyrtareve-81137.html
English Italiano Deutsch Russian Türk Greek