Afatet e paraburgimit, nis seanca ndaj Agim Llupos

TIRANE - Në Gjykatën e Tiranës ka nisur procesi gjyqësor për shqyrtimin e kërkesës së ish-gardistit Agim Llupo, i cili kërkon lirimin pasi kanë kaluar afatet e paraburgimit.

Për herë të parë ka folur në seancë, ish-gardisti Llupo i cili ka pohuar se askush nuk ka kryer hetime ndaj tij dhe nuk është marrë në pyetje për një vit rresht. Llupo ka pohuar se vetëm në 9 maj i kanë komunikuar shtyrjen e hetimit.

“I kam pyetur sa burg bëjnë këto nene. Më thanë ç’të duhen nenet, ty të ka dënuar populli me votë.”- deklaroi Llupo.

Pala mbrojtëse ka kundërshtuar fort vendimin e gjykatës së dy ditëve më parë, e cila pranoi kërkesën e prokurorisë për zgjatjen edhe tre muaj të afateve të paraburgimit për Llupon.

Avokati Fatos Shanaj ka deklaruar në seance se me vendimin e 8 shkurtit është cënuar barazia e gjykimit dhe se gjykata është bërë palë me prokurorinë.

Sipas palës mbrojtëse dy kërkesat e prokurorisë dhe palës mbrojtese duhet te ishin shqyrtuar se bashku.
Gjyqtari Shkëlqim Mustafa tha se gjykata u detyrua të jepte vendim pasi kishin kaluar më 7 orë afatet e paraburgimit. Pala mbrojtëse e ish-gardistit Llupo paralajmëroi ankimimin e vendimit të 8 shkurtit.

Agim Llupo akuzohet për vrasjen në 21 janar të demonstruesit Ziver Veizi, në bulevardin Dëshmorët e Kombit.


http://www.balkanweb.com/shqiperi/2685/afatet-e-paraburgimit-nis-seanca-ndaj-agim-llupos-81276.html

	Tiranë	18	°C
	Prishtinë	14	°C
	Ulqin	19	°C
	Shkup	14	°C

	BLIHET	SHITET
EUR	136.25	141.87
USD	106.65	111.05
GPB	168.56	175.51
CHF	113.40	118.08

Horoskopi

A do te funksionoje marreveshja Pozite -Opozite deri ne antaresimimin e Shqiperise ne BE ?

PO

JO

Duke marr rezultatet.Ju lutem prisni...