Kriminaliteti, MB: Rama duhet t’i jetë mirënjohës policisë

Kriminaliteti, MB: Rama duhet t’i jetë mirënjohës policisë TIRANE - Ministria e Brendshme reagoi në lidhje me deklaratën e kryetarit të PS-së Edi Rama për situatën e kriminalitetit në Shqipëri.

Në një deklaratë për mediat, zëdhënësi i Ministrisë, Fatmir Konja, deklaroi se sot Shqipëria është një nga vendet më të sigurta në Bashkimin Evropian.

“Falë punës së policisë së shtetit, zbulueshmëria e krimit është në nivelet më të larta dhe se policia shqiptare vlerësohet si një partner i denjë, falë arritjeve domethënëse kundrejt veprimeve kriminale”- deklaroi Konja.

Sipas MB-së, Rama duhet t’i jetë mirënjohës Policisë së Shtetit për rikthimin e dinjitetit të vendit, pas gjendjes që e la partia e tij.
“Rama duhet të fshijë nga kultura e tij politike urrejtjen ndaj policisë, sepse ajo mbrojti rendin më 21 janar 2011.”- vijoi më tej Konja.


http://www.balkanweb.com/shqiperi/2685/kriminaliteti-mb-rama-duhet-ti-jete-mirenjohes-policise-81318.html
English Italiano Deutsch Russian Türk Greek