BLAIR KËRKON ARMËPUSHIM TË MENJËHERSHËM NË LINDJEN E MESME

Përfaqësuesi i Katërshes për Lindjen e Mesme, Tony Blair kërkoi sot armëpushimin e menjëhershëm për konfliktin izraelito-palestinez dhe për më tepër një strategji të re për Rripin e Gazës.
''Për ngjarjet e tmerrshme dhe humbjet tragjike të qënieve njerëzore në Gaza, nevojitet menjëherë një armëpushim pasi sulmet me raketa po vrasin civilët izraelitë dhe goditjet e izraelitëve në Gaza të ndalojnë pasi vuajtja e popullatës, që është më e rëndësishmja, duhet të përfundojë'', deklaroi Blair në një komunikatë.
"Së shpejti ne duhet të ndërrmarrim një strategji të re për Rripin e Gazës në mënyrë që të ndalet vuajtja e palestinezëve dhe siguria e Izraelit të jetë e mbrojtur'', vazhdoi Tony Blair.
Më shumë se 200 palestinezë u vranë dhe 300 të tjerë u plagosën rëndë nga sulmet ajrore të ushtrisë izraelite në Rripin e Gazës, konfirmoi shefi i shërbimeve të urgjencës në territor