KINA I OFRON NJË MILIONË DOLLARË NDIHMA AUTORITETEVE PALESTINEZE

Kina njoftoi sot për dhënien e një milionë dollarëve si ndihmë humanitare urgjente në ditën e katërt të ofensivës izraelite kundër Hamasit në Rripin e Gazës.
''Kina vendosi t'u japë autoriteteve palestineze si ndihmë humanitare një milionë dollarë, me qëllim blerjen e materialeve të nevojshme dhe urgjente'', deklaroi zëdhënësi i ministrisë kineze të Punëve të Jashtme në një komunikatë.
''Kina kërkon ndalimin e menjëhershëm të konfliktit të armatosur dhe marrjen e masave për lehtësimin e krizës humanitare në Gaza'', theksoi zëdhënësi.
     Në ditën e katërt të ofensivës izraelite kundër Hamasit, nga sulmet ajrore rezultojnë të paktën 370 të vdekur dhe 1700 plagosur në Rripin e Gazës.