DHOMA E PËRFAQËSUESVE E ILINOISIT VOTON PËR TË NGRITUR PADI NDAJ GUVERNATORIT ROD BLAGOJEVIÇ

- Dhoma e Përfaqësuesve të Ilinoisit ngriti sot padi ndaj guvernatorit Rod Blagojevich, i cili akuzohet për abuzim pushteti përfshirë një përpjekje për të shitur vendin presidentit të zgjehur Barack Obama në Senatin amerikan.
Dhoma e kontrolluar nga demokratët votoi me 114 vota pro për të ngritur padi ndaj guvernatorit demokrat. Kjo i hap rrugën një gjykimi në Senatin shetëror, ku dënimi nga ana e dy të tretave të anëtarëve të saj do të çojë në largimin e tij nga posti.
Barbara Currie, demokratja nga Çikago, e cila kryesoi komitetin e hetimit që rekomandoi ngritjen e padisë, i tha Dhomës së përfaqësuesve se Blagojevich kishte tradhëtuar besimin e publikut, "një shërbëtor publik i cili ka zgjedhur të mos i shërbejë publikut, i cili ka tradhëtuar besimin e tij në pushtet, i cili nuk është i përshtatshëm për të qeverisur".
Një gjykim në Senatin shtetëror mund të fillojë më 26 janar, dy javë pas fillimit të legjislaturës së re, tha një zëdhënës i senatorit  John Culletron, një demokrat i cili do të drejtojë institucionin.