OKB: 80 PËRQIND E POPULLSISË NË GAZA KA NEVOJË URGJENTE PËR NDIHMA NË USHQIME

Të paktën 80 për qind e popullsisë në Gaza ka nevojë për ndihma urgjente në ushqime dhe Izraeli duhet ta bëjë më të lehtë kalimin e ndihmave humanitare në zonë, bëri të ditur sot shefja e agjencisë së Kombeve të Bashkuara për ndihmat në ushqime.
"Situata në Gaza është e tmerrshme me të paktën 80 përqind e njerëzvve që kanë nevojë për ndihma urgjente në ushqime", tha drejtorja ekzekutive e Programit Botëror të Ushqimit,(WFP), Josette Sheeran gjatë një vizite në Rafah, në kufrin egjiptian me Gazan për të vlerësuar krizën.
Sheeran ka dërguar zyrtarë të lartë të agjencisë në Jerusalem për t'u kërkuar autoriteteve izraelite të lejojnë kalimin e ndihmave, bëri të ditur WFP në një deklaratë të nxjerrë nga selia e tij në Romë.