RUSI - PUTIN: KRIZA E GAZIT PO RËNDOHET PAVARËSISHT NGA PËRPJEKJET

Kriza e gazit që goditi Europën "po rëndohet" pavarësisht nga përpjekjet për zgjidhjen e saj, deklaroi sot kryeministri rus, Vladimir Putin gjatë takimit me homologun e tij çek, Mirek Topolanek, vendi i të cilit mban presidencën e radhës të Bashkimit Europian.
''Pavarësisht përpjekjeve që janë bërë, kriza do të thellohet'', deklaroi Putin në fillim të takimit, në një rezidencë pranë Moskës.
Topolanek u shpreh se ''u kishte bërë të ditur drejtuesve ukrainas se do të qëndronte në rajon deri sa të rifillonte livrimi i gazit drejt Europës''.
Kryeministri çek, vendi i të cilit ka marrë presidencën e radhës së Bashkimit Europian, mbërriti sot në Rusi pas një takimi në Kiev me drejtuesit ukrainas për zgjidhjen e krizës së gazit