KOSOVË - DACI: SHTRIRJA E AUTORITETIT TË INSTITUCIONEVE TË VENDIT NË TË GJITHË TERRITORIN ËSHTË DETYRIM IMEDIAT

Shtrirja e autoritetit të institucioneve të Kosovës në gjithë territorin e vendit është detyrim imediat, që e garanton akti më i lart juridik, Kushtetuta e Kosovës, theksoi sot kryetari i Lidhjes Demokratike të Dardanisë (LDD), Nexhat Daci, gjatë një takimi me komandantin e KFOR-it, gjenerali Giuseppe Emilio Gay.
Daci e vlerësoi si të shkëlqyer punën e KFOR-it, i cili, sipas tij, është institucioni më i besueshëm tek populli i Kosovës. 
Kryetari i LDD-së i dha mbështetjen e plotë forcës paqeruajtëse në punën e mëtejshme, duke theksuar se suksesi i KFOR-it do të thotë siguri maksimale për popullin e Kosovës pa dallim etnie.