SHTETET E GJIRIT PERSIK PROPOZOJNË NJË PLAN PËR TË NDIHMUAR NË RINDËRTIMIN E GAZËS

Shtetet e Gjirit Persik propozuan një plan të përbashkët ndihmash arabe për të rindërtuar Rripin e Gazës.
Nuk është bërë ende publike shuma e fondit, por një zyrtar arab theksoi se 1.25 miliardë dollarë janë premtuar nga Arabia Saudite dhe Katari.
Plani është që ndihmat e donatorëve arabë të vihen nën drejtimin e një komisioni të përbërë nga kontribuuesit dhe Banka për Zhvillimin Islamik me seli në Arabinë Sauditë, njoftuan ministrat e Gjirit Persik pas një takimi në kryeqytetin saudit Riad.
"Objektivi është që ky program të zbatohet shpejt dhe saktësisht siç është planifikuar dhe që t'i përgjigjet nevojave të vëllezërve tanë palestinezë në Gaza sa më shpejt që të jetë e mundur", deklaroi ministri i Omanit në ngarkim të çështje të jashtme, Yusuf bin Alawi bin Abdullah, për gazetarët.