BULLGARIA BURGOS "PIRATIN" INFORMATIK PËR PASTRIM PARASH

Një bullgar 28 vjeç, i mbiquajtur "Pirati", u dënua me katër vjet e gjysmë burg sot, pasi kishte marrë mbi një milion dollarë nga kartat bankare, shumica e të cilave në pronësi të qytetarëve amerikanë.  
Një gjykatë në qytetin e Varnës në Detin e Zi e dënoi 28-vjeçarin, pasi u shpall fajtor për akuzën e krijimit të një grupi të krimit të organizuar për pastrim parash, mashtrim financiar dhe shantazh. Katër anëtar të bandës së tij morën dënime të ndryshme, ku më i rëndi ishte një vit e gjysmë burg dhe 5 000 leva gjobë.  
"Issa Mehmed, i mbiquajtur "Pirati"... ka kryer  dhjetëra operacione financiare, të lidhura me zbrazjen e kartave bankare, që ishin pronë kryesisht e qytetarëve amerikanë në banka të ndryshme amerikane", tha gjykata në një deklaratë.
Gjykata e Distrikit të Varnës tha se krimet ishin kryer nga qershori 2003 deri në janar 2008, kur u ndalua grupi. 
Vendimi  do të thotë se "Pirati" duhet të kthejë fondet e vjedhura prej 1,787 milionë levash (1,19 million dollarë) dhe të paguajë një gjobë prej 5 000 levash.     
Anëtarja e re e Bashkimit Evropian është zotuar të forcojë luftën kundër krimit të organizuar dhe korrupsionit për të shmangur sanksionet e Brukselit, që ka bllokuar 220 milionë euro ndihmë, për shkak të refomave të ngadalta dhe mashtrimit financiar.