RUSI - PROKURORIA ZBULON KONTRABANDË RAKETASH DREJT KINËS

Kryeprokurori ushtarak rus bëri sot publike dyshimet se disa nga zyrtarët e flotës ishin përpjekur të transportonin kontrabandë 30 raketa drejt Kinës përmes Taxhikistanit.
"Pak ditë më parë kemi dërguar dosjet për nisjen e procedimeve penale kundër zyrtarëve të flotës dhe disa biznesmenëve, të cilët blenë kontrabandë 30 raketa dhe 200 bomba aviancioni dhe po i transportonin përmes Taxhikistanit e më pas do t'i shiteshin Kinës për një shumë prej 18 milionë dollarësh", deklaroi kryeprokurori ushtarak rus, Sergei Fridinsky gjatë një takimi të prokurorëve të drejtuar nga presidenti Dmitri Medvedev.
"Municionet u zbuluan në Taxhikistan", deklaroi ai.
Por, prokurorët në Taxhikistan deklaruan se nuk kishin marrë asnjë provë dhe informacion nga ushtria ruse në lidhje me kontrabandën e armëve në Kinë.
"Kemi dijeni për këtë çështje, por nuk kemi marrë ende asnjë provë dhe material për këtë çështje", deklaroi agjencia e lajmeve RIA Novosti e cila citonte prokurorin ushtarak të Taxhikistanit, Yusuf Rakhmonov