SHKODËR: NISIN HETIMET PËR NJË SKELET NJERIU TË GJENDUR NË SELCË

Policia e Qarkut të Shkodrës nisi hetimet të mërkurën në mëngjes, pas gjetjes të martën në mbrëmje të një skeleti njeriu në fshatin Selcë të komunës së Kelmendit. 
Burime zyrtare nga Komisariati i Policisë së Malësisë së Madhe, thanë të mërkurën për ATSH-në se, skeleti u gjet rastësisht nga banorët e fshatit Selcë, në vendin e quajtur “kthesa e Gjinoviçit”, që menjëherë, lajmëruan sallën operative. Sipas informacionit paraprak, mendohet se skeleti i njeriut të jetë rreth 30 vjeç. 
Ekspertët dhe grupi hetimor i Drejtorisë së Policisë së Qarkut Shkodër ka nisur sot hetimet në vendngjarje, të cilat po përqëndrohen në disa pista