ÇASHKU PADIT PENALISHT ISH -MINISTRIN PANGO PËR SHPIFJE

Rektori i Akademisë së Filmit "Marubi", Kujtim Çashku, paditi sot për shpifje në Prokurorinë e rrethit Tiranë ish- ministrin e Turizmit,  Kulturës,  Rinisë dhe Sporteve,  Ylli Pango. Sipas burimeve nga kjo prokurori, kallzimi penal ndaj ish -ministrit Pango u depozitua  paradite  në organin e akuzës  nga vetë regjisori Kujtim Çashku dhe ka për objekt hetimi veprën penale të shpifjes. 
Sipas materialit denoncues,  Çashku  akuzon ish- ministrin Pango për shpifje të bëra në adresë të tij,  pas debatit  ndërmjet tyre për shkak të ndërhyrjes në Akademinë e Filmit "Marubi" në Tiranë.

Tashmë, Prokuroria e rrethit ka nisur shqyrtimin e kallzimit  ndaj ish- ministrit Pango për të dalë më pas në  një vendim lidhur me të. Pango u shkarkua një ditë më parë nga posti i ministrit të Turizmit, Kulturës, Rinisë dhe Sporteve nga Kryeministri Berisha, pas publikimit në media të një video,  ku ai shfaqej duke abuzuar  me detyrën