KORCË: NISIN AKTIVITETET PËR 122-VJETORIN E HAPJES SË SHKOLLËS SË PARË SHQIPE

Ekspozita historike rreth arsimit shqiptar, takime dhe shumë aktivitete të ndryshme po organizohen në Korçë, qyteti ku 122 vjet më parë, u hap shkolla e parë Shqipe. 
Muzeu i Mësonjëtores së Parë Shqipe është kthyer në vendin më të vizitueshëm jo vetëm nga nxënës të shkollave 9-vjeçare të qytetit, por dhe një numër i madh shqiptarësh nga Kosova dhe Maqedonia.
Pirro Naumi, përgjegjës në Muzeun e Mësonjtores së parë shqipe në Korçë, i tha të mërkurën ATSH-së se, "këtë vit, në bashkëpunim me Drejtorinë arsimore një numur i madh aktivitetesh do të organizohen me nxënësit që në mënyrë të organizuar të njohin historikun e tij". 
Por aktivitetet kryesore për 122-vjetorin e hapjes së shkollës së parë shqipe do të zhvillohen në datën 7 Mars, ku Bashkia e Korçës në bashkëpunim me qëndrën kulturore  "Vangjush Mio" do të çelin ekspozitën me koleksione të rralla të botimeve për shkollat e para shqipe, në mjediset e Muzeut Kombëtar të Arsimit, ose sikurse dhe njihet, Mësonjtorja e parë shqipe. 
Një takim tjetër do të zhvillohet me tematikë njohjen e Mësonjëtores së parë të vashave dhe përpjekjet e patriotëve në hapjen e Mësonjtores së parë shqipe, në 7 Mars, 1887. 
Veprimtaritë me rastin e 122 vjetorit të hapjes së Shkollës së parë Shqipe në Korçë do të vazhdojnë me dokumentarë për personalitetet e kulturës dhe arsimit shqip, si Aleksandër Xhuvani, Fan.S.Noli, Persefoni Treni, Vangjush Mio et