UASHINGTONI PROTESTON ZYRTARISHT PRANË PEKINIT LIDHUR ME INCIDENTIN DETAR

SHBA protestoi zyrtarisht pranë autoriteteve kineze pas një manovre  të cilësuar si "ngacmuese" nga anije kineze kundër një anijeje luftarake amerikane, në ujëra ndërkombëtare, njoftoi sot Departamenti i Shtetit. 
"Ambasada amerikane në Pekin mori një protestë këtë fundjavë", deklaroi një zëdhënës i Departamentit të Shtetit, Robert Wood. "Ne mendojmë se anija jonë është ngacmuar  në mënyrë të pavend. Ky është motivi i protestës sonë pranë qeverisë kineze". 
Sipas Pentagonit, disa anije kineze zhvilluan manovra të rrezikshme, pranë një anijeje luftarake të paarmatosur të Marinës amerikane, "USNS Impeccable" në ujëra ndërkombëtare në Detin e Kinës Jugore.  
"Ishte një manovër e pakujdesshme dhe e rrezikshme, që nuk ishte profesionale", i deklaroi shtypit një zëdhënës i Departamentit amerikan të Mbrojtjes, Bryan Whitman.
Njëra nga anijet kineze u afrua deri në tetë metra anijes amerikane, shtoi ai.