ELBASAN: AMBASADORJA ÇEKE: SHQIPËRIA DREJT ANËTARËSIMIT NË BE

Ambasadorja Çeke e akredituar në vendin tonë, znj Marketa Fialkova gjatë një leksioni të realizuar sot me studentët e Universitetit të Elbasanit “ Aleksandër Xhuvani”, theksoi se Shqipëria është pranë antarësimit në BE.
. Leksioni është fokusuar në temën mbi “ sfidat e presidencës Çeke të Bashkimit Europian”, organizuar nga Lëvizja Europiane në Shqipëri , në kuadër të projektit “ forcimi i rrjetit të qendrave të informacionit të Bashkimit Europian në qytetet universitare të Shqipërisë,” mbështetur nga delegacioni i Komisionit Europian.
Në këtë leksion Ambasadorja e Çekisë, e vuri theksin në problemet kryesore që shqetësojnë sot Europën, të lidhura me  ekonominë, energjinë si dhe marrëdhëniet e Bashkimit Europian me botën. 
Pyetjes së studentëve se a do ta mbështesë Çekia, Shqipërinë për në anëtarësimin në BE , ambasadorja tha se  për shqiptarët, është shumë e rëndësishme aksesi për në Europë dhe për Presidencën tonë është prioritet zgjerimi i BE drejt vendeve të Ballkanit perëndimor, që për këtë qëllim Presidenca Çeke ka zgjedhur sloganin “ Europa pa kufi”, "një europë pa barriera ekonomike kulturore, një europë e përhapur nga pikëpamja demokratike, por natyrisht me një politikë të fortë sigurie."