ANGELA MERKEL MBËRRIN NË NJË VIZITË TË PAPRITUR NË AFGANISTAN

Kancelarja gjermane, Angela Merkel mbërriti sot në Afganistan për t'u bërë një vizitë të papritur trupave gjermane të dislokuara në veri të vendit, bëri të ditur sot një zëdhënës i kancelarisë pa dhënë hollësi të tjera.
Kancelarja gjermane shoqërohej nga ministri i Mbrojtjes, Franz-Josef Jung, sipas të përditshmes "Bild", por ndërkohë zyra e kancelares nuk e konfirmoi një gjë të tillë.
Forcat gjermane ishin objektiv i dy sulmeve në rrethinat e Kunduzit, në veri të Afganistanit, pa shkaktuar të plagosur, bëri të ditur ushtria.
Gjermania është angazhuar me 3 500 trupa në Forcën Ndërkombëtare të Ndihmës për Sigurinë, Isaf, të drejtuar nga NATO-ja, të vendosura në veri të vendit.
Parlamenti autorizoi vitin e kaluar dërgimin e një mijë trupave shtesë për ta çuar numrin e kontigjentit gjerman në 4 500 ushtarë