ITALI-SHQIPTARE DESHMIMTARE TREGOJNE PËR TËRMETIN E FUQISHEM

-Në rajonin e Abruzzos,  Sipas Institutit Italian të Statistikave shqiptarët  përbëjnë 19,3 % të popullatës së huaj të rajonit, duke numëruar rreth 11.500 rezidentë të rregullt. 1325 prej tyre banojnë në Provincën e Aquila-s, më e goditura nga tërmeti.-

-“Në orën 3 e 32 minuta, një zhurmë dhe një tronditje e madhe bëri që të çoheshim të gjithë dhe të dilnim jashtë. Nga ora 3 e 30 deri në orën 5 e 30 qëndruam në një shesh të madh, së bashku me qindra qytetarë të tjerë, për tu rikthyer më pas në shtëpitë tona.”    Kështu dëshmon për ATSH-në, sopranoja e njohur Shqiptare Lindita Hisku, e cila jeton tashmë prej 11 vitesh në Sulmona të Italisë, rreth 55 kilometra larg epiqendrës së tërmetit.
“Në Sulmona, -vijon ajo,- ka disa qindra familje Shqiptare, por këtu nuk ka patur dëme në njerëz, vetëm dëme të lehta materiale.”
Këtë fakt e dëshmon edhe Besmir Berisha, një qytetar Kosovar që banon në Bugnara, në Provincën e Aquilas, i cili pohon për ATSH-në,  "se në qytetin e tij nuk ka viktima, të shtetasve shqiptarë, por vetëm dëme materiale."
E kontaktuar me telefon, Ambasada Shqiptare në Romë konfirmon se nuk ka njoftime për viktima të shtetasve shqiptarë, por vetëm për dëmtime të pasurisë së qytetarëve Shqiptarë.
Një tërmet 5,8 ballë i shkallës Rihter goditi sot, në orën 3.32 të mëngjesit Italinë qëndrore. Epiqendra e tërmetit ishte në Rajonin e Abruzzos, rreth 10 km nga Aquila, kryeqëndra e rajonit. Tronditja është ndjerë shkoqur në të gjithë Italinë qëndrore, nga Romagna në Napoli.
Shqiptarët janë një nga bashkësitë e huaja më të mëdha në rajonin e Abruzzos. Sipas Institutit Italian të Statistikave, ata përbëjnë 19,3 % të popullatës së huaj të rajonit, duke numëruar rreth 11.500 rezidentë të rregullt. 1325 prej tyre banojnë në Provincën e Aquila-s, më e goditura nga tërmeti.
Sipas të dhënave të deritanishme bilanci provizor i ngjarjes është dramatik: Bilanci provizor është dramatik dhe i destinuar të rritet: deri tani janë numëruar mbi 100 të vdekur, 1500 të plagosur dhe mbi 120 mijë të pastrehë. Godinat e rrëzuara plotësisht janë me qindra, me mijëra ato që janë dëmtuar rëndë dhe që kanë dalë jashtë përdorimit