KINEMAJA DHE EKONOMIA NË SHBA

Analistët kanë vërejtur përfitime në rritje dhe të ardhura të mira financiare nga industria e kinemasë në SHBA, ose në ‘Kombin e Filmit’, gjatë tremujorit të parë 2009.
Realizimet më të reja që ‘festojnë’ premierat në ekranin e madh projektohen çdo javë, të premteve, ndërsa treguesi i rritjes së fitimit është 10% më shumë i krahasuar me të njëjtën periudhë të vitit të kaluar. Shikuesi si njësi matëse i këtij treguesi duket se na bën që ta shohim tjetërsoj këtë realitet ekonomik. 
A është kjo ndryshe nga sa sot konsumatorët në treg, për shkaqet e një ekonomie në rënie, shtrëngohen të shpenzojnë dy- tre orë shfaqje filmike e të shpërngulin vemendjen disi nga e përditshmja, apo prodhimi filmik është një realitet? 
“Fast and furious” (Shpejt dhe Furishëm), ishte një nga filmat e fundit të Universal Pictures, që brenda javës tërhoqi rreth 71 milion dollarë në gati 3500 ekranizime të kinemave, por ky arkëtimin i milionave duket se i lë vendin prodhimeve te reja.
Spektatori nga ana e tij në shfaqjet e para për çdo film shpenzon afërsisht deri në 20 dollarë për biletën dhe kokoshkat, që shpesh janë simbolika e të ndjekurit të një premierë, ndërsa kompanitë e shpërndarjes dhe të shfaqjes filmike kanë arritur rekorde në arkëtime.
I parë me një sy më të gjerë në rastin e politikës ekonomike të shtetit amerikan, kur Presidenti  Barak Obama shprehet se “...ekonomia amerikane në krizë po fillon të shfaqë një rreze shprese”,... ky projektim në politikën e ditës i realitetit dhe i ngjashëm në këtë rast me filmin, bëhet që kjo pjesë optimiste, që si zakonisht shoqëron filmat me zgjidhje të këndshme, “Happy Ending” në prodhimet amerikane mbetet të jetë edhe një lajm i mirë për njerëzit që mezi i presin shenjat e përmirësimit të gjendjes ekonomike dhe të daljes nga kriza. 
Është fakt se kinemaja edhe në vitet e dy krizave, gjatë shekullit të kaluar ne SHBA, ka mundur të jetë e sukseshme edhe pse shoqëritë filmike investojnë dhe rrezikojnë shuma të mëdha pandërprerë si gjatë begatisë dhe gjatë krizave.
Premierat filmike që shpesh luhen gati në të njëjtën kohë, në të gjitha kontinentet, duket se ngjajnë në këndvështrimin ekonomik me tregun e bursave, që me ulje ngritjet e veta sot e ka të vështirë parashikimin global të stabilitetit.
Ndërsa për filmin dhe prodhimet e ekranit në përgjithësi, kërkesat artistike kushtëzojnë shumë shpenzime, njerëzit krijues të fushës me shumë guxim dhe përpara rreziqeve asnjëherë nuk tërhiqen nga vështirësitë për të pasqyruar jetën apo për ta rrëfyer në mënyrë artistike atë