BLLOKOHEN 150 KG LËNDË NARKOTIKE NË BREGDETIN E DHËRMIUT

Policia kufitare e qarkut të Vlorës sekuestroi sot 150 kg lëndë narkotike në bregdetin e Dhërmiut, rreth 50 km në jug të qytetit të Vlorës si dhe shoqëroi disa persona të cilët dyshohet të kenë dijeni për këtë sasi.
Drejtori i policisë kufitare dhe migracionit në qarkun e Vlorës, Myzafer Elezi tha për ATSH-në "se lënda narkotike e llojit canabis sativa e vendosur në disa çanta u gjet e fshehur në disa shkurre në breg të detit".  Një grup hetimor ka nisur punën për zbardhjen e këtij rasti (origjinën e sasisë së drogës, ose trafikimin e mundshëm të saj).