SOT, MOT I KTHJELLËT DHE I NGROHTË

Sot në vendin tonë do të jetë mot i kthjellët dhe i ngrohtë. Shërbimi Meteorologjik Ushtarak bëri të ditur se gjatë ditës së enjte vendi ynë do të ndikohet nga periferia e presionit atmosferik të lartë. Masat ajrore që qarkullojnë do të jenë të ngrohta, me origjinë Mesdhetare. Moti do të jetë i kthjellët, me kalimin e vranësirave të pakta gjatë mesditës. 
Era do të fryjë në drejtimin Veriperëndim-Verilindje me shpejtësi deri 8m/sek. Valëzimi në bregdet do të arrijë deri në 4 ballë.                                                                  Temperaturat më të ulta  në zonat malore, atë të ulta dhe zonat bregdetare do të variojnë nga 5 në 10 gradë, ndërsa ato të larta nga 18 në 23 gradë celcius.

Temperaturat më të ulta dhe më të larta në qytetet kryesore parashikohen si më poshtë:

     Tiranë              11 dhe     22    
     
     Shkodër            8  dhe     21        

     Durrës             10  dhe     23   

     Lezhë              12  dhe      22
    
     Kuçovë            9   dhe     22
     
     Gjirokastër      10   dhe     19
     
     Peshkopi          5   dhe     17 

     Elbasan           10   dhe     21
     
     Kukës              9   dhe     18     
   
      Korçë             6    dhe     15
    
      Vlorë            11   dhe     22

      Sarandë        12    dhe    23

Ditën e premte vendi ynë do te ndikohet nga periferia e fushës barike të presionit në vlera normale. Do të jetë në qarkullim një masë ajrore e qendrueshme Mesdhetare, relativisht e lagësht dhe e ngrohtë. Moti do të jetë i kthjellët dhe me kalimin e vranësirave deri mesatare në pjesën e dytë të ditës.  
Era do të fryjë në drejtimin Veriperendim-Verilindje me shpejtësi deri në 8 m/sek. Valëzimi në bregdet parashikohet deri  në 4 ballë.
Ndërkohë, pritet një rritje e lehtë e temperaturave maksimale.