GREQI - NJË BOMBË SHPËRTHEN NË VERI TË ATHINËS

Një bombë shpërtheu natën duke gdhirë dita e sotme pranë një qendre taksash pa shkaktuar viktima, por duke shkaktuar dëme të vogla materiale, njoftoi policia greke. 
     Mjeti shpërtheu në orën 02:56 lokale (23:56 GMT) në lagjen veriore Psychiko. Policia dislokoi një kordon sigurie pas një telefonate anonime në të përditshmen greke "Eleftherotypia që njoftoi për shpërthimin e afërt.   
     Sipas autorit të telefonatës, atentati  është për t'u vënë në llogari të veprimit të armatosur revolucionar, një grup i ekstremit të majtë, përgjegjës tashmë për shumë aksione të këtij lloji. 
     Atentate të vogla me mjete shpërthyese ose zjarrvënëse  janë të shpeshta në Athinë dhe Selanik (veri) dhe shpesh u hidhen grupeve të ekstremit të majtë ose lëvizjes anarshiste. Ata synojnë shpesh shënjestra diplomatike, ndërtesa të interesit publik, banka dhe degë të kompanive të automobilave.