GREQI - POLICIA GREKE SHKATËRRON NJË RRJET TRAFIKU TË IMIGRANËVE

Policia greke shkatërroi një rrjet trafiku imigrantësh mes Turqisë dhe Greqisë, nëntë anëtarë të dyshuar të të cilit, grekë, pakistanezë dhe irakianë, janë arrestuar, bëri të ditur sot agjencia kombëtare e shtypit Ana.
Policia zbuloi në një apartament të grupit, në një periferi të varfër të Athinës, tre imigrantë pakistanezë të cilët mbaheshin atje dhe ishin bërë viktima të keqtrajtimeve që prej 10 ditësh në pritje të pagesës nga të afërmit të çmimit të kalimit, që ishte 7 000 euro për secilin, shtoi Ana.
Katër klientë të tjerë të grupit, pakistanezë dhe afganë, janë arrestuar për hyrje të paligjshme në vend.     
Trafikantët e dyshuar kishin një dyqan në Athinë për të pastruar paratë. Policia sekuestroi një kamionçinë dhe katër makina që ata i përdornin për të marrë imigrantët.
Greqia është bërë vitet e fundit një zonë e rëndësishme e tranzitit për imigrantët e Azisë ose të Lindjes së Mesme të cilët përpiqen të hyjnë në Evropën Perëndimore./I.Pu./u.sh