GREQI - MË SHUMË SE 100 PERSONA TË PREKUR NGA VIRUSI I GRIPIT TË DERRAVE

Numri i rasteve të regjistruara të të sëmurëve nga virusi i gripit A (H1N1) në Greqi ka arritur në 101 persona, informuan sot mediat greke.
Shumica e të sëmurëve në Greqi rezulton se janë infektuar nga virusi i gripit H1N1 gjatë udhëtimeve jashtë vendit.
Autoritet greke të shëndetësisë theksojnë se situata është nën kontroll dhe nuk ka arsye për panik, por ndërkohë ato parashikojnë rritjen e mëtejshme të numrit të rasteve gjatë ditëve të ardhshme.