TIRANE: KRIMI I RRUGËS, NË 24 ORË 6 TË ARRESTUAR DHE 2 NË KËRKIM

Në 24 orët e fundit,  shërbimet e policisë në qarkun e Tiranës arrestuan 6 persona,  ndërsa 2 të tjerë janë shpallur në kërkim, si autorë të dyshuar në një sërë veprash penale, ndër to, vjedhje, kanosje dhe shpërndarje narkotikësh. 
Sipas njoftimit të Policisë së Tiranës, forcat e policisë arrestuan dy të mitur me inicialet M.U dhe O.K, pasi dyshoheshin për vjedhjen e një dyqani në Tiranë. Me të njëjtën akuzë u arrestua një person tjetër, Edison Demiraj, 19 vjeç, lindur në Tropojë dhe banues në Tiranë.  
Duke ju referuar njoftimit të policisë, në Kavajë u arrestua shtetasi  Albert Bajrami, ndërkohë që u shpallën në kërkim,  Dorian Qafa dhe Erald Qafa, kur dyshohen se kanë tentuar të vjedhin një automjet në plazhin e Golemit.     
Në pranga ka përfunduar edhe 27 vjeçari Gentian Ruka, i dyshuar për kanosjen e një shtetaseje ndërkohë që shërbimet e antidrogës arrestuan në flagrancë shtetasin Bledar Bilbili, 30-vjeç, lindur dhe banues në Tiranë,  me - 52.8 gram  bimë narkotike e llojit "Cannabis Sattiva".  
Çështjet ndaj këtyre shtetasve i kaluan për hetime të mëtejshme  organit të prokurorisë.