SHKODËR: KROACIA, FITUESE E TURNEUT XHUDO "VLLAZNIA CUP MEN"

Kroacia u shpall fituese e Turneut Internacional "Vllaznia Cup men" të sportit të Xhudos, që u zhvillua për dy ditë me radhë në pallatin e sportit "Qazim Dervishi" në Shkodër, ku morën pjesë ekipet e Shqipërisë, Kroacisë, Kosovës, Malit të Zi, Maqedonisë.
    Rivaliteti final u zhvillua mes xhudistëve të Vllaznisë dhe përfaqësueses së Kroacisë. 
 Sekretari i Federatës Shqiptare të sportit të Xhudos, Labo Çapo tha për ATSH-në se ndeshjet u zhvilluan me një luftë shumë të fortë sportive.      
     Sipas tij, ndeshjet më të bukura ishin ato mes Martiniç (Kroaci) dhe Jakini i Vllaznisë, Semiz i Kroacisë-Qafiku i Vllaznisë, Ujka i Vllaznisë-Cavar i Kroacisë, ku fitues ishin kroatët. 
     Në përfundim të aktivitetit në vend të parë u rendit ekipi i Kroacisë, që u shpall dhe fitues i Turneut Internacional "Vllaznia Cup men". 
     Sipas peshave përkatëse, vendet e para si individë i merituan Altin Përgjergji i Beslidhjes në peshën deri në 60 kg, në vend të dytë kroati Rudolf Glashoviç për peshën 66 kg. Në peshën 73 kg fitues u shpall Mateo Semiz i Kroacisë, ndërsa në vend të dytë Leonard Qafiku i Vllaznisë. Për peshën 81 kg në vend të parë Ylli Ujka i Vllaznisë dhe Josip Cavar i Kroacisë në vend të dytë. Në peshën 90 kg fitues u shpall Pero Kristiç i Kroacisë dhe në vend të dytë Alfons Babani i Vllaznisë. Në dy peshat e fundit, 100 kg dhe plus 100 kg në vendet e para u renditën xhudistët shqiptarë: Ndoc Ndoci i Vllaznisë dhe Janus Herceg i ekipit të Flamurtarit të Vlorës.