Greqi, mijëra punonjës në grevë kundër ngrirjes së pagave

Në Greqi, mijra punonjës të sektorit publik dolën sot në grevë për të protestuar kundër ngrirjes së pagave dhe shkurtimit të shpërblimeve që janë pjesë e planit qeveritar për shërimin e ekonomisë.
Greva, ku janë përfshirë kontrollorët e trafikut ajror ka shkaktuar pezullimin e të gjitha fluturimeve. 

Mësuesit, punonjësit e hekurudhave, mjekët dhe infermieret marrin pjesë 
në grevën e sotme 24 orëshe.
Bashkimi Europian po i bën presion Greqisë të shkurtojë deficitin buxhetor, i cili vitin e kaluar arriti në 12,7 përqind.
Zyrtarët e Bashkimit shqetësohen se kriza financiare greke do të ndikojë negativisht mbi vlerën e Euros, monedha që përdoret nga 16 vende anëtare të BE-s.
Qeveria e drejtuar nga socialistët shpalli dje plane për të rritur moshën e pensionit gjë që do të kursente para për pensionet.
Kryeministri Jorgos Papandreu tha se detyra parësore e qeverisë së tij është shpëtimi i ekonomisë dhe pakësimi i borxhit publik duke mbrojtur njëkohësisht klasën e mesme dhe atë me të ardhura më të ulta. 

Pezullohen të gjitha fluturimet për shkak të grevës

Në Greqi, të gjitha fluturimet për sot janë pezulluar për shkak se kontrollorët e trafikut ajror i janë bashkuar grevës njëditëshe kundër planeve të qeverisë për ngrirjen e pagave në sektorin publik.

Mësuesit, punonjësit e hekurudhave, mjekët dhe infermieret marrin pjesë 
në grevën e sotme, e cila është organizuar nga sindikata kryesore e punonjësve të sektorit publik.
Greqia po përpiqet të dalë nga një krizë e rëndë financiare duke pakësuar borxhin e saj gjigand.
Qeveria e drejtuar nga socialistët shpalli dje plane për të rritur moshën e pensionit gjë që do të kursente para për pensionet.
Kryeministri Jorgos Papandreu tha se detyra parësore e qeverisë së tij është shpëtimi i ekonomisë dhe pakësimi i borxhit publik duke mbrojtur njëkohësisht klasën e mesme dhe atë me të ardhura më të ulta.
Zyrtarët e Bashkimit Europian shqetësohen se kriza financiare greke do të ndikojë negativisht mbi vlerën e Euros, monedha që përdoret nga 16 vende anëtare të BE-s.